Aqmola oblysyndaǵy tsement zaýytynda jumysshy mert boldy
KÓKShETAÝ. QazAqparat - Aqmola oblysynda tsement zaýytynda jumysshynyń ólimine baılanysty tergeý amaldary júrgizilýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, qańtardyń 27-de Birjan sal aýdandyq polıtsııasynyń kezekshilik bólimine aýdandyq aýrýhananyń medbıkesinen medıtsınalyq mekemege jetkizilgen er adamnyń kóz jumǵany týraly habar tústi.
«Tekseris kezinde mert bolǵan 24 jastaǵy jigittiń «Kókshe tsement» JShS tseh sheberi bolyp jumys istegeni anyqtaldy. Er adam jumys ornynda vagondy súıreý kezinde tros úzilip ketip, qaryn tusyna tıgen.
Qazirgi kezde osy oqıǵa baılanysty QR QK 156 babynyń 3 bóligi boıynsha (Eńbekti qorǵaý erejesiniń buzylýy) sotqa deıingi tergeý amaldary júrgizilýde. Sot-medıtsınalyq saraptama taǵaıyndaldy»,- dedi vedomstvodan.
