Aqmola oblysyndaǵy boran: Blokpostarda 400-ge jýyq kólik turyp qaldy
KÓKShETAÝ. QazAqparat - Aqmola oblysynda bir túnde boranda jolda qalǵan 200-den astam adam evakýatsııalandy, dep habarlaıdy QazAqparat tilshisi.
Oblystyq Tótenshe jaǵdaılar departamenti baspasóz qyzmetiniń málimetinshe, bıylǵy jylǵy naýryzdyń 11-12 aralyǵynda túnde Aqmola oblysy aýmaǵynda aqtútik boran boldy. Sonyń saldarynan blokpostarda jolǵa shyqqan 400-ge jýyq kóliktiń keptelisi oryn aldy.
«Óńirdiń qutqarýshylary men tártip saqshalary jáne jergilikti atqarýshy organdardyń qyzmetkerleri bir túnde boranda jolda qalǵan 247 adamdy evakýatsııalady, onyń 96 bala. Qutqarý jumystary Býrabaı, Arshaly jáne Shortandy aýdandarynda júrgizildi. Jergilikti atqarýshy organdar tarapynan evakýatsııa oryndarynda ystyq tamaq uıymdastyryldy. Zardap shekkender joq», - dedi vedomstvodan.
Osy rette, Aqmola oblysy Tótenshe jaǵdaılar departamentiniń qyzmetkerleri aqmolalyqtarǵa joldardyń jabylýy týraly sms habarlama alǵan kezde jolǵa shyqpaýǵa keńes beredi.
