Aqmola oblysyndaǵy birqatar jol jabyldy
KÓKShETAÝ. QazAqparat- Aýa raıynyń qolaısyzdyǵyna baılanysty Aqmola oblysyndaǵy birqatar jol jabyldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, aqpannyń 18-19 kúnderi oblys aýmaǵynda ońtústik-batystan jyldamdyǵy sekýndyna 15-20 metr jel turyp, boran soǵady, tuman túsip, kóktaıǵaq bolady. Keıbir jerlerde jeldiń jyldamdyǵy sekýndyna 23-28 jáne 30 metrge deıin jetedi.
«Osyǵan baılanysty aqpannyń 18-de saǵat 15:30 respýblıkalyq tas joldardyń «Ekaterınbor–Almaty» 856-917 km (SQO shekarasy–Jaqsy kenti), «Jezqazǵan-Petropavl» 377-595 km (Qostanaı obl. shekarasy–Znamenka kenti), «Qostanaı–Áýlıekól-Surǵan» 232-260 km (Qostanaı obl. shekarasy–Surǵan kenti), «Jaqsy–Esil–Buzylyq» 64-80 km (Esil qalasy–Buzylyq kenti) ýchaskeleri, saǵat 16:00 bastap «Nur–Sultan–Ereımentaý–Shiderti» (16-200 km (Nur-Sultan qalasy–Pavlodar oblysy shekarasy) ýchaskelerinde kóliktiń barlyq túri úshin ýaqytsha jabyldy», – deıdi vedomstvonyń baspasóz qyzmetindegiler.
