Aqmola oblysyndaǵy avtokólik joldarynda elektrondy belgi ornatyldy
KÓKShETAÝ. QazAqparat - Aqmola oblysyndaǵy avtokólik joldarynda elektrony belgi ornatyldy, dep habarlaıdy QazAqparat tilshisi ІІD baspasóz qyzmetine silteme jasap.
Aqmola oblysynyń ІІD men «QazAvtoJol»UQ» AQ birlesip óńirdegi avtokólik joldarynyń qaýipti aýmaqtaryna júrgizýshimen keri baılanys retinde 8 elektrondy belgi ornatty. Atalmysh aspap júrgizýshige aıyppul belgilemeı aq, jyldamdyq kórsetkishin eskertedi.
Aıta keteıik, atalmysh jol belgisiniń 2-ýi Býrabaı aýdanynda, 2-ýi Kókshetaý qalasy men Birlik aýylynda, 2-ýi Zerendi aýdanynda jáne taǵy 2-ýi Tselınograd aýdanynda ornatyldy.
«...Atalmysh belgiler jol qozǵalysy qaýipsizdigin arttyrýǵa baǵyttalǵan, radar rejıminde kólik jyldamdyǵyn kórsetip turady. Bul júrgizýshilerdiń nazaryn aýdarady. Jyldamdyq shamadan asyp ketse onda qyzyl tús, eger qalypty bolsa onda jasyl tús janady...», - dep túsindirdi Aqmola oblysynyń ІІD ÁPB aǵa ınspektory, polıtsııa maıory Aıbek Hasenov.
Sonymen qatar, aǵa ınspektor Aqmola oblysynda polıtsııa qyzmetkerleri jyldamdyqty shamadan tys asyrǵan 12 500 astam júrgizýshini ákimshilik jaýapkershilikke tartqanyn atap ótti. Polıtseıler jańa aspaptyń arqasynda oblys aýmaǵynda jol apatynyń sany kemıdi dep otyr. Aldaǵy ýaqytta da osyndaı jol belgilerin ornatý jumystary jalǵasa bermek.
Illıýstratsııalyq foto
