Aqmola oblysyndaǵy aýylda jańa modýldik mektep paıdalanýǵa berildi
Ákimdiktiń málimetinshe, eki qabatty bilim ordasynyń aýmaǵy 1585 sharshy metr, onda shamamen 120 oqýshy bilim alatyn bolady. Mektep aýyl balalarynyń sapaly bilim alýy úshin qazirgi zamanǵy talaptarǵa saı jabyqtalǵan.
«Jańa mektepte 14 oqý kabıneti bar. Árbir oqý synybynda ınteraktıvti panelder ornatylǵan. Jańa modıfıkatsııaly hımııa-bıologııa kabıneti barlyq qaýipsizdik talaptaryna jaýap beretin eń zamanaýı jabdyqtarmen jabdyqtalǵan. Mamandandyrylǵan oqý synyptarynan basqa modýldik mektep sport zalymen, ashanamen, medıtsınalyq kabınetpen jabdyqtalǵan. Sport zaly sporttyq jabdyqtarmen jáne mektepke qajetti barlyq quraldarmen jabdyqtalǵan. Ashana, medıtsınalyq kabınet barlyq zamanaýı talaptarǵa jaýap beredi. Mýzyka kabıneti qajetti aspaptarmen tolyq qamtylǵan. Mektep janynda balalar jáne sport alańdary bar», - deıdi ákimdiktiń baspasóz qyzmeti.
Osy rette, respýblıkada alǵash ret qysqa merzimde paıdalanýǵa berilgen mektep ǵımaratta órt, ekologııalyq jáne sanıtarlyq qaýipsizdik tolyq qamtamasyz etilgen.
