Aqmola oblysyndaǵy aýdannyń Birjan sal atalýyna baılanysty birqatar sharalar ótti
ASTANA. QazAqparat - Aqmola oblysyndaǵy Eńbekshilder aýdanynyń Birjan sal atalýyna baılanysty, áıgili dala dúldiliniń qurmetine arnalǵan birqatar is-sharalar ótti, dep habarlaıdy «QazAqparat» HAA tilshisi oblystyń ishki saıasat basqarmasyna silteme jasap.
Onyń eń aýqymdysy Stepnıak qalasynda ótken Úkili Ybyraı atyndaǵy oblystyq fılarmonııa ujymynyń kontserti boldy.
Sonymen qatar óńirde dóńgelek ústelder ótip, mektepterde synyp saǵattary uıymdastyryldy. Kitaphanalarda konferentsııalar ótti. Birjan sal atyndaǵy kolledjdiń ónerpazdary aqynnyń ánderin oryndap, flesh-mob ótkizdi. 
Esterińizge sala keteıik , Elbasy Jarlyǵymen Aqmola oblysynyń Eńbekshilder aýdany qaıtadan Birjan sal aýdany bolyp atalǵan bolatyn.
