Aqmola oblysyndaǵy astyq qoımasynda beton plıta qulap, jumysshy mert boldy
KÓKShETAÝ. QazAqparat - Aqmola oblysynyń Jaqsy aýdanynda astyq qoımasynda beton plıta qulap ketip, 46 jastaǵy jumysshy kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, oqıǵa jeltoqsannyń 5-de saǵat 14:59-da Jaqsy aýdanynyń Kazaq stansasyndaǵy «Jaqsy-Astyq» JShS astyq saqtaý qoımasynda bolǵan.
«№9 jáne №8 qoımalarynyń qabyrǵalaryn qosqan beton plıta qulap ketip, qoımadaǵy astyq tógildi. Osynyń saldarynan astyq keptirý jumysy kezinde 1973 jylǵy transporter jumysshysy alǵan dene jaraqatynan oqıǵa ornynda kóz jumdy.
Qutqarý jumystaryna TJD jeke quramynyń 2 qyzmetkeri men 1 tehnıka, Jaqsy aýdandy Polıtsııa bóliminiń kezekshi jedel tergeý tobynan 4 adam jáne 1 tehnıka, trassalyq medıtsınalyq qutqarý pýnktinen 4 adam jáne 1 tehnıka, jergilikti atqarýshy organnan 15 adam jáne 4 tehnıka jumyldyryldy. Qazirgi kezde, oqıǵanyń mán-jaıy anyqtalý ústinde», - dedi Aqmola oblystyq TJD baspasóz hatshysy Dınara Esenbaeva.
