Aqmola oblysynda jylytý maýsymy qashan bastalady

KÓKShETAÝ. QazAqparat - Kókshetaýda qyrkúıektiń 25-ne qaraı jylý berile bastaıdy. Bultýraly «Kókshetaý jylý» kommýnaldyq kásipornynyń bas dırektory Rýslan Maqyshev málim etti, dep habarlaıdy QazAqparat tilshisi.

Kásiporyn basshysynyń aıtýynsha, búgingi tańda «Kókshetaý jylý» kommýnaldyq kásipornynyń RK-1 jáne RK-2 qazandyqtary oblys ortalyǵyndaǵy 4942 nysandy jylytady, oǵan 1025 kóp páterli turǵyn úı jáne 2673 jeke sektor úıi, 116 bilim berý nysany, 46 densaýlyq saqtaý nysany, 120 mádenıet jáne memlekettik mekeme nysany, 962 ónerkásip nysany jáne ózge de uıymdar kiredi.

«Kókshetaýda jylý berý maýsymy qala ákiminiń ókimi boıynsha halyqaralyq qurylys normalaryna sáıkes syrtqy aýanyń ortasha táýliktik temperatýrasy +10 gradýs bolǵan kezde bastalady, ol shamamen bes kúnge sozylýy tıis. ıAǵnı, osy normalarǵa sáıkes, Kókshetaýda shamamen jylý 25 qyrkúıekke deıin iske qosylady jáne birinshi kezekte mektepter, balabaqshalar, densaýlyq saqtaý nysandaryna jylý beriledi. Keıin - kóp qabatty úıler, áleýmettik nysandar, al eń sońynda – jeke sektor qosylady», – dedi Rýslan Maqyshev.

Kásiporyn basshysy atap ótkendeı, búgingi kúni Kókshetaý boıynsha 936 turǵyn úıdiń 874 nemese 82,8 paıyzy jylytý maýsymyna daıyn. Sonymen birge, páter ıeleri joq 161 úıdiń 62-i daıyn emes. Al, Krasnoıar aýylyndaǵy turǵyn úılerdiń daıyndyǵy 100 paıyzdy quraıdy. Stantsıonnyı kentinde 19 turǵyn úıdiń 18-i daıyn, basqarý organynyń bolmaýyna baılanysty bir úı daıyn emes.

Eske sala ketsek, budan buryn Atbasar turǵyndary jylý aqysyn 5 ese qymbat tólep kelgeni anyqtalǵan edi.