Aqmola oblysynda jylýmen jabdyqtaý nysandary jańǵyrtylyp jatyr

KÓKShETAÝ. QazAqparat - Aqmola oblysynyń óńirlerinde halyqtyń ómir súrý jaǵdaılaryn jaqsartýǵa múmkindik beretin jylýmen jabdyqtaý obektilerin jóndeý jáne rekonstrýktsııalaý boıynsha belsendi jumys júrgizilýde, dep habarlaıdy QazAqparat tilshisi oblystyq ishki saıasat basqarmasyna silteme jasap.

Bıyl Şýche qalasynda 5,5 shaqyrym jylý magıstrali jańartyldy. Týrıstik aımaqty jylýmen qamtý júıesine oblystyq bıýdjetten 2 mıllıard teńge bólindi.

Qazandyqty jóndeýge berilgen qarajat ǵımaratty qalpyna keltirýge jáne qosymsha jabdyqtar satyp alýǵa baǵyttaldy. Osylaısha, nysannyń qýaty 50 gıgakalorııaǵa jetti.

Jylytý qazandyǵynyń jumysy, jaǵylatyn otyn kólemi endi jańa sandyq júıe arqyly baqylanady.

Mundaı tetik qazandyqtardyń jumysyn táýlik boıy úzdiksiz baqylaýdy júzege asyrýǵa múmkindik beredi. Paıdalanylǵan otyn mólsherin esepteý arqyly jylýdyń zańsyz urlanýynyń aldyn alýǵa bolady.

Bul nysan 4 myńǵa jýyq turǵyndy jylýmen qamtamasyz etedi.

Júrgizilgen jóndeý qazandyqtardyń qýatyn arttyrýǵa jáne úsh kóp qabatty turǵyn úıdi ortalyqtandyrylǵan jylýmen qamtamasyz etýge múmkindik berdi.

«Qazir páter ıeleri jylytý júıesine qosylǵan. Qazandyqtyń qýaty jetkilikti. Abylaı han kóshesindegi 60 úıde ishki qubyrda kemshilikter boldy. Biz páter ıeleri kooperatıvimen birge bul olqylyqty joıdyq», - dedi Býrabaı aýdanynyń ákimi Áset Muzdybaev.

Býrabaı kentinde 20 gıgakolorıı jylý óndiretin eki jańa qazandyq satyp alyndy. Bul qurylǵylar kelesi jyly iske qosylady.