Aqmola oblysynda jyl basynan beri 2240 adam kólik júrgizý quqyǵynan aıyryldy
KÓKShETAÝ. QazAqparat - Aqmola oblysynda jyl basynan beri 2240 mas júrgizýshi kólik júrgizý quqyǵynan aıyryldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, osy kúni jol apaty kóbine júrgizýshilerdiń mas kúıinde rólge otyrýynan bolyp otyr. Mas júrgizýshi óziniń ǵana emes, jol qozǵalasyndaǵy ózge de adamdardyń ómirine qaýip týǵyzady. Statıstıkalyq derekterge qaraǵanda, 2017 jyldyń 10 aıynda oblys boıynsha mas júrgizýshilerdiń kesirinen bolǵan 22 jol-kólik oqıǵasy tirkelgen. Odan 10 adam ajal qushyp, 33 zardap shekken.
Osy aralyqta oblys polıtseıleri alkogoldik ishimdik iship, kólik júrgizýdiń 2575 jaǵdaıyn anyqtady. Sondaı-aq Onyń ishinde 335 mas kólik júrgizýshisi qamaýǵa alynyp, 2240 adam kólik júrgizý quqynan aıyryldy.
«...Sońǵy demalys kúnderi tártip saqshylary 39 mas júrgizýshini ustady. Sol sebepti, biz taǵy da kólik júrgizýshilerine jol-kólik oqıǵasy erejesin buzǵany úshin jaýapqa tartylatynyn eskertemiz. Mas júrgizýshi kórgen adamdar bolsa, birden «102» arnaıy telefon nómirine habarlasýyna bolady», - dep atap ótti Aqmola oblysy boıynsha jergilikti polıtsııa qyzmetiniń basshysy, polıtsııa podpolkovnıgi Serik Baımuqanov.
Oblys aýmaǵynda jol-kólik oqıǵasynyń aldyn alý maqsatynda apta saıyn «Mas júrgizýshi», «Aýyl joly» jáne «Qaýipsiz jol» tárizdi jedel-aldyn alý sharalary ótkizilip turady.
