Aqmola oblysynda júrgizýshi kólik astyna túsip mert boldy
KÓKShETAÝ. QazAqparat - «Nur-Sultan-Petropavl» tas jolynyń boıynda júrgizýshini kólik qaǵyp ketti, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, jol apaty 27 qazan kúni keshkilik ýaqyt 18:00 shamasynda «Nur-Sultan-Petropavl» tas jolynyń 176 shaqyrymda Qoǵam aýylynyń tusynda bolǵan.
«Dóńgelegi jarylǵan «Aýdı 6» kóliginiń júrgizýshisi rýlge ıe bola almaı jol shetindegi qorshaýǵa soǵylǵan. Keıin júrgizýshi kólikten shyǵyp turǵanda ony Nur-Sultan qalasynyń 1956 jylǵy turǵyny tizindegen «Renault Logan» kóligi soqqan. Júrgizýshisi oqıǵa ornynda kóz jumdy», - dedi Aqmola oblystyq PD baspasóz hatshysy Gúlnar Pınchýk.
Qazirgi kezde, osy oqıǵaǵa baılanysty QR QK 345 babynyń 3 bóligi boıynsha is qozǵalyp, sotqa deıingi tergeý amaldary júrgizilýde.