Aqmola oblysynda júrgizýshi eki adamdy qaǵyp, oqıǵa ornynan qashyp ketken
KÓKShETAÝ. QazAqparat - Aqmola oblysynda eki adam qaǵyp, oqıǵa ornynan qashyp ketken Makınsk qalasynyń 39 jastaǵy turǵyny ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, mamyrdyń 15-de túngi saǵat 01:00-de Bulandy aýdandyq PB kezekshilik bólimine jol patrýl polıtsııa batalonynyń qyzmetkerlerinen Makınsk qalasyndaǵy Ǵabdýllın kóshesiniń boıynda ornalasqan «Bolashaq» dúkenine qarama-qarsy tusta jol-kólik oqıǵasy bolǵany týraly aqparat túsken.
Jol apatynan túrli dene jaraqatymen eki adam aýrhanaǵa túsip, keıin zardap shekken adamnyń bireýi jansaqtaý bóliminde kóz jumdy.
Jaıaý júrginshilerdi soqqan kólik júrgizýshisi, Makınsk qalasynyń 39 jastaǵy turǵyny oqıǵa ornynan qashyp boı tasalamaq bolǵan. Júrgizýshige Bulandy aýdandyq PB izdeý jarııalady.
«Іzdeý jarııalanǵan er adam tańǵy saǵat 08:00 shamasynda Makınsk qalasynyń kóshesinde júrgen jerinde ustaldy. Oqıǵaǵa baılanysty QR QK 345-babynyń 3-bóligi (Adam ólimine ákep soqtyrǵan Jol júrý erejesin buzý) boıynsha is qozǵalyp, sotqa deıingi tergeý amaldary júrgizilip jatyr», - deıdi vedomstvonyń baspasóz qyzmetindegiler.
