Aqmola oblysynda jumysshynyń traktordan qulaýyna baılanysty is qozǵaldy
KÓKShETAÝ. QazAqparat - Aqmola oblysynda er adam traktordan qulap, óndiristik jaraqat aldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 24 maýsymda Astrahan aýdandyq PB kezekshilik bólimine aýdandyq aýrýhananyń feldsheri habarlasyp, er adamnyń dene jaraqatymen aýrýhanaǵa túskenin habarlaǵan.
«Anyqtalǵandaı, jergilikti JShS-nyń 59 jastaǵy jumysshysy aýyl sharýashylyǵy tehnıkasyn jóndeý kezinde K-700 traktorynan qulap, «qabyrǵalarynyń synýy» dıagnozymen aýrýhanaǵa jetkizildi», - dedi vedomstvodan.
Osy oqıǵaǵa baılanysty tergeý bólimi Qylmystyq kodekstiń 156-babynyń 1-shi bóligi «Eńbekti qorǵaý erejelerin buzý» boıynsha sotqa deıingi tergeýdi bastady.
