Aqmola oblysynda jumysshy ekskavator shómishiniń astynda qaldy

KÓKShETAÝ. QazAqparat - Aqmola oblysynda ekskavator shómishiniń astynda qalǵan jumysshy kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy jylǵy 19 qarashada saǵat 14:48-de Aqkól aýdandyq PB kezekshi bólimine aýdandyq aýrýhananyń dárigeri habarlasyp, jedel járdem kóliginde aýrýhanaǵa alyp kele jatqan jumysshy kóz jumǵanyn aıtty.

«Qaıǵyly jaǵdaıdyń jóndeý jumystary kezinde bolǵan. Jeke óndiris ornynda jumys isteıtin 52 jastaǵy jumysshyny ekskavator shómishi basyp qalǵan», - dedi vedomstvodan.

Qazirgi kezde, osyǵan baılanysty Qylmystyq kodekstiń 156-shy babynyń 3-shi bóligi «eńbekti qorǵaý erejelerin buzý» boıynsha sotqa deıingi tergeý bastaldy. Sonymen birge, sot-medıtsınalyq saraptama taǵaıyndaldy.