Aqmola oblysynda jumysshy bastyǵyn baltamen shaýyp óltirdi

KÓKShETAÝ. QazAqparat - Aqmola oblysynda JShS atqarýshy dırektorynyń ólimine qatysty is qozǵaldy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, aýyr qylmys sáýirdiń 24-de Jarqaıyń aýdanynda bolǵan.

Bul týraly saǵat 20:10 shamasynda aýdandyq polıtsııa bólimine telefon arqyly habarlandy.

Onda Birsaýat aýylyna jaqyn mańdaǵy JShS aýmaǵynda azaptap óltirilgen er adamnyń denesi tabylǵany aıtylǵan.

Keıinnen onyń sol JShS-niń 1969 jyly týǵan atqarýshy dırektory ekeni belgili boldy.

«Oqıǵa ornyna dereý ýchaskelik polıtsııa ınspektory, sondaı-aq, jedel-tergeý toby men polıtsııa bóliminiń basshylyǵy bardy. Qylmys ornyn zertteý kezinde onyń júk salmaǵyn ólsheıtin bólmede jasalǵany belgili boldy. Sol jerden qylmys quraly - balta tabyldy. JShS aýmaǵynda tártip saqshylary qylmysqa kúdikti 33 jastaǵy jumysshyny ustady. Osyǵan baılanysty Qylmystyq kodekstiń 99-babynyń 1-bóligi boıynsha sotqa deıingi tergeý amaldary qolǵa alyndy. Kúdikti ýaqytsha ızolıatorǵa qamaldy», - dedi vedomstvodan.

Polıtsııa departamenti baspasóz qyzmetinen atap ótkendeı, alǵashqy tergeý is-sharalary men JShS qyzmetkerlerine júrgizilgen saýalnamaǵa sáıkes 21 sáýir kúni JShS atqarýshy dırektory Qostanaı qalasy turǵynyn dánekerleýshi retinde jumysqa alǵan.

Alaıda, eki kúnnen keıin jańa jumysshy densaýlyǵynyń nasharlaýyna shaǵymdanady.

Sol sebepti jumys berýshi ony Arqalyq qalasyndaǵy emdeý mekemesine aparady.

Qylmys bolǵan kúni er adam dalalyq zvenoǵa baryp, jábirlenýshige eńbek jáne ómir súrý jaǵdaıy týraly narazylyǵyn bildiredi.

Osy kezde ekeýara janjal bolyp, jumysshy bastyǵyn balta jáne buraǵyshpen soqqynyń astyna alady.

«Qazirgi ýaqytta tergeý aıasynda birqatar saraptamalar taǵaıyndaldy, kisi óltirý qarýy zattaı dálel retinde alyndy», - dep tolyqtyrdy vedomstvodan.