Aqmola oblysynda jumys oryndarynyń kartasy jasaldy

KÓKShETAÝ. QazAqparat - Aqmola oblysynda jumyssyzdyq deńgeıin tómendetý jáne halyqtyń tabysyn ósirý úshin 2022-2025 jyldarǵa arnalǵan jumys oryndaryn qurýdyń óńirlik kartasy qalyptastyrylyp, bekitildi, dep habarlaıdy QazAqparat tilshisi oblystyq saıasat basqarmasyna silteme jasap.

Jumyspen qamtýdy jáne áleýmettik baǵdarlamalardy úılestirý basqarmasynyń málimetinshe, Ulttyq jobalar men óńirdi damytý jospary aıasynda 10 myńnan astam, onyń ishinde 2,4 myńǵa jýyq turaqty jumys ornyn qurý josparlanýda.

«Qujattyń basty mindetteriniń biri jumys oryndaryn qurý ǵana emes, sonymen qatar memlekettik baqylaýdyń tıimdiligin arttyrý bolyp tabylady. Búginde qyzmetkerlerdiń ómiri men densaýlyǵyn saqtaý, qaýipsiz eńbek jaǵdaılaryn qamtamasyz etý basym baǵyt bolyp tabylady. Bıyl Aqmola oblysynda jeke bastamalardy eskere otyryp, 17649 oryn qurý qajet», - dep atap ótti vedomstvodan.

Eńbek naryǵynyń naqty kórinisin kórsetýge múmkindik beretin jańa joba boıynsha barlyq derekter «jumys oryndaryn qurýdyń ıntegratsııalyq kartasy» aqparattyq júıesinde jınaqtalǵan. Osy aqparattyq júıe jıyntyq nysandar men eseptilikti ázirleý múmkindigimen óńirler bólinisinde aýyldyq eldi mekenderge, memlekettik baǵdarlamalarǵa, shaǵyn jáne orta bızneske, jobalarǵa, kásiporyndarǵa, ekonomıka salalaryna monıtorıngti júzege asyrady.

Sondaı-aq, óńirlik karta tilek bildirýshilerge qaıta mamandanýǵa jáne eńbek qyzmetiniń jańa salalaryn ıgerýge múmkindik beredi. Ol úshin «2021-2025 jyldarǵa arnalǵan kásipkerlikti damytý» ulttyq jobasy sheńberinde «Bastaý bıznes» jobasy boıynsha qysqa merzimdi kásiptik oqytýmen jáne kásipkerlik negizderine oqytýmen 1844 adamdy qamtý josparlanýda.

Jalpy, óńir boıynsha 596,7 mıllıon teńge somasyna 487 memlekettik grant bólindi. Jumyspen qamtýdyń belsendi sharalarymen 2101 adam qamtylatyn bolady.