Aqmola oblysynda júk tasymaldaýshylarǵa 60 mln teńge aıyppul salyndy
KÓKShETAÝ. QazAqparat - Aqmola oblysynda júk tasymaldaýshylarǵa 60 mıllıon teńge aıyppul salyndy. Bul týraly óńirlik kommýnıkatsııalar ortalyǵynda ótken brıfıngte Aqmola oblysy boıynsha kóliktik baqylaý ınspektsııasy basshysynyń orynbasary Jasulan Maralbaev málimdedi, dep habarlaıdy QazAqparat tilshisi.
Onyń aıtýynsha, 2017 jyldyń 10 aıynda 700-den astam ákimshilik materıaldar jasalyp, 60 mıllıon teńge kóleminde aıyppul salyndy. Sondaı-aq, 100 mıllıon teńge kóleminde aqsha kiris retinde jınaldy.
Kóliktik zańnamanyń buzylýyna kóbinese aýyr salmaqty júk kólikteriniń júrgizýshileri jol beredi.
"Atalmysh júk kólikteri qum, qıyrshyq tas jəne kómir tasymaldaýda jıi qoldanylady. Sondyqtan, ruqsat etilgen salmaqtan artyq júk salý oqıǵasy jıi oryn alady. Al bul óz kezeginde jol qozǵalysy erejesiniń buzylýyna soqtyryp, jolaýshylar ómirine qaýip tóndiredi", - dep atap ótti Jasulan Maralbaev.
Aıtalyq, kóliktegi júktiń ruqsat etilgen mólsherinen asyp ketýine baılanysty QR ƏQbK 50-den 1000 AEK deıin, ıaǵnı, 100 myń teńgeden 2 mıllıon teńgege deıin aıyppul qarastyrylǵan.
