Aqmola oblysynda júk poıyzy men jeńil kólik soqtyǵysty
KÓKShETAÝ. QazAqparat - Aqmola oblysynyń Shortandy aýdany aýmaǵynda júk poıyzy men jeńil kólik soqtyǵysty, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, jol apaty qarashanyń 22-sinde 21:16-da Shortandy stansasynda boldy.
««Aýdı-80» avtokóligi «Nur-Sultan – Kókshetaý» baǵytyndaǵy №3473 júk poıyzynyń (quramynda 59 vagon bar) lokomotıvimen soqtyǵysty. Jol apatynan jeńil kóliktiń jolaýshysy F.N.Dáýrenbekova dene jaraqatymen aýrýhanaǵa tústi. Al 1984 jylǵy júrgizýshisi P.B.Dáýrenbekov dáriger qaraǵan soń úıine jiberildi. Jol apatynan ózge poıyzdardyń qozǵalysyna kedergi kelgen joq», - dep túsindirdi QazAqparat tilshisiniń saýalyna Aqmola oblystyq TJD baspasóz hatshysy Dınara Esenbaeva.
Qazirgi kezde oqıǵanyń mán-jaıy anyqtalý ústinde.
