Aqmola oblysynda JShS dırektoryn atyp ketti
KÓKShETAÝ. QazAqparat - Aqmola oblysynda polıtsııa JShS dırektorynyń ólimine qatysty qylmysty ashý úshin jedel-izdestirý sharalaryn júrgizýde.
Aqmola oblysy ІІD baspasóz qyzmetiniń habarlaýynsha, 3 qyrkúıek kúni Esil aýdandyq ІІB-niń kezekshi bólimine JShS aýmaǵynda er adamnyń óli denesi tabylǵany týraly telefon habarlamasy kelip túsken. Polıtsııa marqumnyń Znamenka aýylynyń 52 jastaǵy turǵyny, seriktestik dırektory ekenin anyqtady.
Alǵashqy málimetter boıynsha, zardap shegýshiniń oq jaraqatynan kóz jumǵany anyqtaldy.
Atalǵan fakt boıynsha QR QK-niń 99-baby 1-bólimi boıynsha qylmystyq is qozǵaldy, arnaıy jedel toptar quryldy, tergeý amaldary júrgizilip jatyr.
