Aqmola oblysynda joldy qardan tazartpaǵan 13 laýazymdy tulǵa jazalandy
KÓKShETAÝ. QazAqparat - Aqmola oblysynda bir táýlik ishinde avtomobıl joldaryna jaýapty 13 laýazymdy tulǵa jaýapkershilikke tartyldy. QazAqparat tilshisi bul týraly oblystyq Polıtsııa departamentiniń baspasóz qyzmetine silteme jasap habarlaıdy.
Vedomstvonyń deregi boıynsha, óńirdegi avtomobıl joldarynda jol apattarynyń sanyn azaıtý maqsatynda tıisti sharalar turaqty júzege asyrylýda.
«5 qańtar kúni Ákimshilik polıtsııa basqarmasynyń qyzmetkerleri «Kókshetaý - Atbasar» tasjolyna júrgizgen tekseris barysynda 136-shaqyrymdy qar alyp, kólik qozǵalysy qıyndaǵany anyqtaldy. Atalmysh ýchaskeni tazalaýǵa «Qazaqavtojol» JShS-nyń DEÝ-73 jaýapty. Osyǵan baılanysty kásiporynnyń bas ınjeneri QR ÁQbK-niń 631-baby 1-bóligi boıynsha ákimshilik jaýapkershilikke tartyldy. Bıylǵy jyldyń basynan beri atalmysh kúre jolda 1 jol-kólik oqıǵasy oryn aldy. Osynyń saldarynan 2 adam kóz jumyp, 8 adam zardap shekti.
Sonymen qatar, 5 qańtarda «Ekaterınbýrg - Almaty» tasjolynyń 1321-shaqyrymynda, ıaǵnı Ijevskoe aýylynyń mańyndaǵy jol aıryǵynda, sondaı-aq Aqbulaq, Stantsıonar aýyldary tusyndaǵy jol burylystarynda qardyń tazalanbaǵany anyqtaldy. Osyǵan baılanysty «Qazaqavtojol» JShS-nyń DEÝ-47 sheberine qatysty QR ÁQbK-niń 631-baby 1-bóligi boıynsha ákimshilik is qozǵaldy», - deıdi vedomstvodan.
PD baspasóz qyzmetinen atap ótkendeı, «Jezqazǵan - Petropavl» kúre jolynyń 378 – 441 shaqyrymy aralyǵynda, «Nur-Sultan – Ereımentaý - Shiderti» tasjolynyń 108 shaqyrymynda qar basyp qalǵan jol ýchaskeleri anyqtalyp, buǵan jol bergen «Qazaqavtojol» JShS-niń DEÝ-4 jáne DEÝ – 92 basshylaryna qatysty ákimshilik is qozaǵaldy.
Jalpy, bir táýliktiń ishinde óńirdegi avtomobıl joldaryna jaýapty 13 laýazymdy tulǵa jaýapkershilikke tartyldy.
