Aqmola oblysynda jolda qalǵan túrkııalyq 3 azamat qutqaryldy
KÓKShETAÝ. QazAqparat - Aqmola oblysynda kóligi isten shyǵyp, jolda qalǵan túrkııalyq azamatty qutqaryldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, júk tıelgen kóliktiń janarmaıy qatyp, birneshe saǵat boıy jolda qańtarylyp turǵan.
«Aqmolalyq jol-patrýldik polıtsııa ekıpajy kún saıyn joldardy baqylap, qıynǵa jaǵdaıǵa tap bolǵan azamattarǵa kómek kórsetedi. Bul joly «Ekaterınbor – Almaty» tas jolynyń boıynda, ıaǵnı, Tselınograd aýdanynyń Astrahanka aýyly tusynda osyndaı oqıǵa oryn aldy. Polıtsııa kapıtany Azamat Saparova jáne polıtsııanyń aǵa leıtenanty Asqar Igibaev respýblıkalyq avtokólik jolyn baqylaý kezinde jol shetinde toqtap turǵan «Iveco» kóligin kózderi shalady. Kólik júrgizýshisinen mán-jaıdy suraı kele, polıtsııa qyzmetkerleri kóliktiń janarmaıy qatyp, toqtaýǵa májbúr bolǵanyn anyqtady. Júrgizýshi men eki kómekshisi Túrkııa azamattary jáne júk tasymalymen aınalysady. Tártip saqshylary túrkııalyq azamattardy ótip bara jatqan ózge kólikterge otyrǵyzyp, elordaǵa jiberdi. Al ózderi shteldik kólik pen ondaǵy júktiń qaýipsizdigin qamtamasyz etti»,- deıdi vedomstvonyń baspasóz qyzmetindegiler.
