Aqmola oblysynda jolda qalǵan Tájikstannyń 29 azamaty qutqaryldy
KÓKShETAÝ. QazAqparat – Aqmola oblysynda jolda qalǵan Tájikstan Respýblıkasynyń 29 azamaty qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, Býrabaı aýdanynyń aýmaǵynda «Nur-Sultan-Petropavl» kúre jolynyń boıynda «Setra» jolaýshylar avtobýsy tehnıkalyq aqaýlarǵa baılanysty isten shyǵyp, toqtaýǵa májbúr bolǵan.
«Avtobýs Tájikstannan Reseıdiń Súrgit qalasyna baǵyt alǵan. Kólik ishinde barlyǵy 26 jolaýshy men 3 júrgizýshi boldy. Jolaýshylardyń barlyǵy Tájikstan azamattary, olardyń tórteýi áıel de, bireýi bala. Aralarynda zardap shekkender joq. Avtobýsta bolǵan jolaýshylar ekige bólinip, «Şýchınsk qalasyndaǵy joǵary tehnıkalyq kolledjiniń №13 jáne «Jalpy tıptegi mektep ınernatynyń jataqhanalaryna jaıǵastyryldy. Eshqaısysyna medıtsınalyq kómek qajet bolǵan joq», dep málim etti Býrabaı aýdandyq TJB bastyǵy mindetin atqarýshy Qanat Babaev.
