Aqmola oblysynda jolda qalǵan Tájikstan azamattary qutqaryldy
KÓKShETAÝ. QazAqparat-Aqmola oblysynda jolda qalǵan Tájikstan Respýblıkasynyń azamattary qutqaryldy, dep habarlaıdy QazAqparat tilshisi.
ІІD baspasóz qyzmetiniń deregi boıynsha, búgin saǵat 14:30 shamasynda ІІD jol patrýldik batolonynyń polıtsııa starshınasy Aslan Bekov jáne aǵa serjant Asqat Ýálıev «Astana-Petropavl» tasjolynyń boıyn baqylaý kezinde Şýchınsk qalasy mańynda toqtap turǵan jolaýyshlar avtobýsyn baıqap qalǵan.
«Qoǵamdyq kóliktiń isten shyqqany jáne salonynda 44 jolaýshy bar ekeni anyqtaldy. Jolaýshylardyń barlyǵy Tájikstan Respýblıkasynyń azamattary. Ekeýi ǵana qazaqstandyqtar. Avtobýs «Ekaterınbýrg - Taraz» baǵytynda júrip bara jatqan», dep kórsetilgen habarlamada.
Qazirgi kezde, oqıǵa ornynda polıtsııa, qutqarý qyzmeti jáne jergilikti atqarý organdardyń qyzmetkerleri jolaýshylardy qaýipsiz jerge jetkizýdi qolǵa aldy.
