Aqmola oblysynda jolda qalǵan 64sheteldik jolaýshy qutqaryldy
KÓKShETAÝ. QazAqparat - Aqmola oblysynyń aýmaǵynda «Nur-Sultan – Pavlodar» tas jolynda isten shyqqan avtobýsta bolǵan sheteldik 64 jolaýshy qutqaryldy, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń deregi boıynsha, aýa raıyna baılanysty 24 jeltoqsan kúni tańerteń «Nur-Sultan – Pavlodar» tas joly ýaqytsha jabyldy. Atalmysh joldyń 109 shaqyrymynda «Novosibir-Chınıaevka» baǵytynda júrip bar jatqan reıs avtobýsy isten shyǵyp toqtaýǵa májbúr boldy.
«Avtobýstyń ishinde Reseı jáne Tájikstan Respýblıkasynyń azamattary boldy. Kólik synǵandyqtan 64 jolaýshy (onyń ishinde úsheýi bala) jaqyn mańdaǵy Novomarkovka orta mektebine jaıǵastyrylyp, ystyq sháımen qamtamasyz etildi. Qutqarý jumystaryna 14 adam jáne 6 tehnıka jumyldyryldy», - dedi Aqmola oblysynyń TJD bastyǵynyń orynbasary Qanat Dospaev.
Vedomstvo keltirgen derekterge qaraǵanda, qys bastalǵannan beri Aqmola oblysy aýmaǵynda 72 adam qutqaryldy. 386 adam (onyń 26-y bala) jylytý ornyna jetkizildi.
