Aqmola oblysynda jolda qalǵan 49 adam qutqaryldy
KÓKShETAÝ. QazAqparat - Aqmola oblysynda bir táýliktiń ishinde jolda qalǵan 49 adam qutqaryldy, onyń 6-y bala, dep habarlaıdy QazAqparat tilshisi oblystyq TJD baspasóz qyzmetine silteme jasap.
«Aqpannyń 27-de túngi saǵat 02:39 «Jaqsy-Derjavınsk» tas jolynda Jaqsy aýyly mańynda qar qursaýynda qalǵan 4 avtokólikten 5 adam qutqaryldy, onyń 2-i bala, al, saǵat 08:28 Podgornoe aýyly mańynda 12 adam qutqaryldy. Saǵat 12:00 «Klıýchı-Bozaıǵyr» tas jolynda Klıýchı aýyly mańynda qar quraýynda qalǵan avtokólikten 5 adam qutqaryldy. Saǵat 13:00 «Ekaterınbor-Almaty» tas jolynda Jaltyr aýyly mańynda blok beketten 7 adam (onyń 2-i bala) evakýatsııalanyp, Jaltyr aýyly №2 orta mektepke ornalastyryldy. Saǵat 18:07 osy joldyń boıynda 3 adam (onyń 2-i bala) qutqaryldy. Olardyń barlyǵy Astrahan aýdandyq aýrýhanasyna jaıǵastyryldy. Saǵat 14:25 Jaltyrkól aýyly mańynda qar qursaýynda qalǵan 15 jeńil avtokólikte bolǵan 27 adam qutqaryldy», - deıdi vedomstvodan.
Aqmola oblysy TJD Órt sóndirý jáne apatty qutqarý jumystary qyzmetiniń málimeti boıynsha qutqarý jumystary «Nur-Sultan-Şýche» tas jolynyń boıynda da júrgizilgen.
«Saǵat 18:00 respýblıkalyq mańyzy bar «Nur-Sultan-Şýche» tas jolyndaǵy blok bekette 15 jeńil avtokóliktiń keptelisi oryn aldy. Qutqarýshylar men jergilikti atqarýshy organdardyń kúshimen 33 adam evakýatsııalanyp, jylytý oryndaryna ornalastyryldy», - deıdi TJ departamenti.
