Aqmola oblysynda jolda qalǵan 40-tan astam adam evakýatsııalandy
KÓKShETAÝ. QazAqparat - Aqmola oblysynda jolda qalǵan 40-tan astam adam evakýatsııalandy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, Astrahan aýdanynyń qutqarýshylaryna «Ekaterınbor-Almaty» respýblıkalyq mańyzy bar avtomobıl jolynda avtobýs jolda qaldy degen habarbarlama túsken.
«Aıtylǵan jerge jetken qutqarýshylar men jergilikti atqarýshy organdardyq qyzmetkerleri avtobýsta bolǵan 43 jolaýshyny (onyń 8 bala) evakýatsııalap, Novocherkask aýylyndaǵy jylytý pýnktine ornalastyrdy. Jolaýshylar medıtsınalyq kómekke júgingen joq», - dedi vedomstvodan.
Qys aılarynda Aqmola oblysynda respýblıkalyq jáne jergilikti avtokólik joldarynyń qaýipti ýchaskelerinde 257 jylytý pýnkti jumys isteıdi.
Eske sala keteıik, Aqmola oblysynda bir aptadan astam ýaqyt boıy aýa temperatýrasy mınýs 37 gradýs aıazdy kórsetip tur. Osyǵan baılanysty 7 qańtardan bastap, qoǵamdyq jáne dızel otynymen júretin kólikterdiń jolǵa shyǵýyna tıym salynyp otyr.
