Aqmola oblysynda jolda qalǵan 300-den astam adam qutqaryldy
KÓKShETAÝ. QazAqparat - Aqmola oblysynda boranda jolda qalǵan 300-den astam adam qutqaryldy. Qazirgi kezde jaǵdaı TJD janynan qurylǵan jedel shtab baqylaýynda, dep habarlaıdy QazAqparat tilshisi departamenttiń baspasóz qyzmetine silteme jasap.
Vedomstvonyń málimetinshe, qutqarýshylar jolda qar qursaýynda qalǵan adamdardan bólek, qar basyp qalǵan eldi meken turǵyndaryna da kómek kórsetýde.
Máselen, Esil aýdanynda Igilik aýylynan júkti kelinshekti aýdan ortalyǵyndaǵy aýrýhanaǵa aparýǵa týra keldi. Qar tazalaıtyn kóliktiń qalyńdyǵy 1,5 jáne 2 metrlik qardy tazalaýǵa shamasy kelmedi. Ol azdaı aq tútek boran kedergi keltirdi.
«Tolǵaǵy kelgendikten kelinshekti shuǵyl aýrýhanaǵa jetkizý qajet boldy. Aýylǵa jete bergenimizde ózimiz de qar qursaýynda qaldyq. Sol sebepti kelinshekti qarda júretin kólikpen aýyldan alyp shyǵyp, jedel járdem brıgadasyna tapsyrdyq», - deıdi Esil aýdandyq TJB bastyǵy Erjan Qappasov.
Sonymen qatar, TJD qyzmetkerleri atap ótkendeı, Birjan sal aýdanynda da qutqarý jumystary júrgizildi.
«Birjan sal aýdanynyń Trambovka aýylynda soqyr ishek dertine shaldyqqan áıeldi shuǵyl qutqarý týraly aqparat tústi. Aıtylǵan mekenjaıǵa kezekshi qaraýyl men medıtsınalyq qyzmetker baǵyttaldy», - deıdi Birjan sal aýdandyq TJB bastyǵy Birjan Qanapııanov.
