Aqmola oblysynda jolda qalǵan 290 adam jylytý oryndaryna jetkizildi
Aqmola oblystyq TJD bastyǵynyń orynbasary Qanat Dospaevtyń aıtýynsha, «Qazgıdromet» RMK mereke kúnderi óńirde ekpindi jel turyp, boran bolatynyn eskertken. Osyǵan baılanysty oblystyń TJD qyzmetkerleri jergilikti atqarýshy organdarmen birlesip, respýblıkalyq jáne oblystyq mańyzy bar avtojoldar ýchaskelerinde 268 jylytý jáne 193 tamaqtaný oryndaryn daıyndady.
«Úsh kúnniń ishinde óńirde respýblıkalyq mańyzy bar avtojoldardyń 27 ýchaskesinde jáne oblystyq mańyzy bar avtojoldardyń 35 ýchaskesinde kólik qozǵalysyna shekteý qoıyldy. Naýryzdyń 23 kúni atalmysh jol ýchaskelerinde aqtútek boran men qalyń qardyń saldarynan kólik qozǵalysy qıyndaǵan. Sol sebepti óńirdiń TJD men PD qyzmetkerleri, sondaı-aq jol uıymdary men jergilikti atqarýshy organdardyń jumysshylary birlesip, jolda qalǵan 290 adamdy, onyń ishinde 82 balany jyltý oryndaryna jetkizdi» - dedi Q.Dospaev.
Aıta ketsek, ekpindi jeldiń saldarynan Birjan sal aýdanynyń Makınka aýylynda sý jınaý munarasy qulap qalǵan bolatyn.
