Aqmola oblysynda jolda qalǵan 210 adam evakýatsııalandy

KÓKShETAÝ. QazAqparat – Aýa raıynyń nasharlaýynan avtojoldardyń jabylýyna baılanysty Aqmola oblysynyń birneshe aýdanynda jolda qalǵan 210 adam, onyń ishinde 25 bala evakýatsııalandy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

Vedomstvonyń málimetinshe, apta ishinde Aqmola oblysynda respýblıkalyq mańyzy bar avtojoldardyń 20 ýchaskesinde avtokóliktiń barlyq túrleri úshin qozǵalysty shekteý engizildi.

«Mysaly, Atbasar aýdanynda – 58 adam, Jarqaıyń aýdanynda – 47 adam, onyń ishinde 8 bala, Jaqsy aýdanynda – 73 adam, onyń ishinde 12 bala, Esil aýdanynda – 20 adam, onyń ishinde 5 bala jáne Sandyqtaý aýdanynda 12 adam qutqaryldy. Barlyq evakýatsııalanǵandar arasynda jaraqat alǵandar men zardap shekkender joq», - dedi vedomstvodan.

Sonymen qatar, qar qursaýynda qalǵan avtokólikterden 8 adam qutqaryldy, onyń ishinde 1 bala bar. Qutqarylǵandar turǵylyqty jerine jetkizildi.