Aqmola oblysynda jolda qalǵan 200 adam qutqaryldy
KÓKShETAÝ. QazAqparat - Aqmola oblysynda aýa raıyna baılanysty jolda qalǵan 200 adam qutqaryldy. Bul týraly QazAqparat tilshisi QR ІІM TJK resmı ókili Rýslan Imanqulovqa silteme jasap habarlaıdy.
Aǵymdaǵy jyldyń 26 naýryzynda túngi saǵat 00:05 shamasynda Býrabaı aýdanynyń Şýchınsk qalasy mańynda, ıaǵnı «Astana-Petropavl» tas jolynyń 18-23 shaqyrymynda TJD jeke quramynyń 3 qyzmetkeri men 1 arnaıy tehnıkasynyń kómegimen jolda qalǵan 10 jeńil kólikte bolǵan 16 adam (1-ýi bala) qutqaryldy. Jolaýshylardyń barlyǵy Şýchınsk qalasyndaǵy jalpy tıptegi mektep ınternatyna ornalastyrldy.
Saǵat 00:10-00:20 shamasynda Atbasar aýdany aýmaǵynda «Ekaterınbýrg-Almaty» tasjolynyń 856-1247 shaqyrymynda «Astana-Rýdnyı baǵytynda qatynaıtyn «Citroen» men «Foton» jolaýshylar avtobýstarynda bolǵan 63 adam ( 5-balalar) qaýipsiz jerge jetkizildi.
01:30 Esil aýdany aımaǵynda «Jaqsy-Esil-Buzylyq» tasjolynyń 0-82 shaqyrymynda «Qostanaı-Astana» baǵytynda qatynaıtyn «Kia» jáne «Foton» avtobýstary isten shyǵyp, kólikte otyrǵan 98 jolaýshy ( 3-ýi bala) qutqaryldy. Jolaýshylardyń barlyǵy Esil qalasyndaǵy № 7 kásiptik lıtseıge jetkizildi.
Al, osy kúni túngi saǵat 01-50 shamasynda Ereımentaý aýdany arqyly ótetin «Astana-Ereımentaý-Shiderti» jolynyń 16-205 shaqyrymynda 4 jeńil kólikte bolǵan 10 adam qutqaryldy. Qutqarý jumystaryna TJD jeke quramynyń 2 qyzmetkeri men 1 arnaıy tehnıkasy jumyldyryldy.
