Aqmola oblysynda jol boıynda turǵan kólikti júk kóligi soǵyp, bir adam mert boldy
KÓKShETAÝ. QazAqparat - Aqmola oblysynda jol boıynda turǵan jeńil kólikti júk kóligi qaǵyp ketti. Oqıǵanyń saldarynan jeńil kóliktiń júrgizýshisi mert boldy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, jol apaty qyrkúıektiń 15-de Arshaly aýdanynyń Ishevsk aýylynda bolǵan.
«Apat ornyna kelgen jedel-tergeý toby «Ekaterınbor-Almaty» tas jolynyń boıynda 35 jastaǵy er adam tizgindegen «Howo» kóligi jol boıynda turǵan «Renault Trafik» kóligin soqqanyn anyqtady. Osynyń saldarynan «Renault Trafik» kóliginiń 44 jastaǵy júrgizýshi aýrýhanada kóz jumdy», - deıdi vedomstvodan.
Qazirgi kezde, oqıǵaǵa baılanysty Qylmystyq kodekstiń 345 babynyń 3 bóligi boıynsha sotqa deıingi tergeý amaldary júrgizilýde.
«Kúdiktige shaqyrǵanda kelý mindeti protsessýaldyq sharasy qoldanyldy. Sot-medıtsınalyq saraptama taǵaıyndaldy»,- dep tolyqtyrdy vedomstvodan.
