Aqmola oblysynda jol boıyna polıtsııanyń 52 beketi ashyldy
KÓKShETAÝ. QazAqparat - Aqmola oblysynyń joldarynda qolaısyz aýa raıy kezinde jol-kólik oqıǵasyn aldyn alý jáne tótenshe jaǵdaılardy eskertý úshin polıtsııanyń 52 beketi ornalastyryldy. Bul týraly QazAqparat oblystyq PD baspasóz qyzmetine silteme jasap habarlaıdy.
PD Jergilikti polıtsııa qyzmetiniń bastyǵy Serik Baımuqanovtyń aıtýynsha, aqpannyń 7-9 kúnderi óńirde aýa raıy kúrt buylatyny eskertildi. Osyǵan baılanysty PD jeke quramy kúsheıtilgen rejımde jumys isteıdi.
«Óńirdegi respýblıkalyq jáne oblystyq mańyzdaǵy kúre joldardyń boıyndaǵy eldi-mekenderden shyǵa beriste jol-kólik oqıǵasyn aldyn alý jáne tótenshe jaǵdaılardy eskertý úshin polıtsııanyń 52 beketi ornalastyryldy»,-deıdi vedomstvodan.
Qazirgi kezde, aýa raıynyń kúrt buzylýy jáne qardyń qalyń túsýine baılanysty «Nur-Sultan-Petropavl», «Kókshetaý-Atbasar», «Nur-Sultan-Ereımentaý-Shidertti», «Şýche-Zerendi», «Nur-Sultan-Qorǵaljyn» jáne «Nur-Sultan-Qostanaı oblysy shekarasyna deıin» aýmaqta kóliktiń barlyq túri úshin kólik qozǵalysyna shekteý qoıyldy.
