Aqmola oblysynda jol apatynan júrgizýshi kóz jumyp, eki adam aýrýhanaǵa tústi

KÓKShETAÝ. QazAqparat – Aqmola oblysynyń Arshaly aýdany aýmaǵynda jol apaty oryn alyp, 40 jastaǵy júrgizýshi kóz jumdy, taǵy eki adam túrli dene jaraqatymen aýrýhanaǵa jetkizildi, dep habarlaıdy QazAqparat tilshisi.

«Jol apaty 11 mamyrda «Almaty-Ekaterınbor» tas jolynyń 1324 shaqyrymynda bolǵan. Aldyn ala anyqtalǵandaı, «Taıota Kamrı» kóligi araqashyqtyqty saqtamaı, alda júrip bara jatqan «KamAZ» júk kóligine soǵylǵan. Saldarynan jeńil kóliktiń 40 jastaǵy júrgizýshisi sol jerde kóz jumdy, taǵy eki jolaýshy túrli dene jaraqatymen aýrýhanaǵa jetkizildi», - dedi QazAqparat tilshisiniń saýalyna Aqmola oblystyq PD baspasóz qyzmetinen.

Vedomstvodan atap ótkendeı, qazirgi kezde adam ólimine ákelip soqqan jol apatyna baılanysty Qylmystyq kodekstiń 345 babynyń 3 bóligi boıynsha sotqa deıingi tergeý sharalary júrgizilýde. Saraptama taǵaıyndaldy.

Aıta ketsek, budan buryn Kókshetaýda jol apatynan júrgizýshi men eki bala zardap shekkenin jazǵan bolatynbyz.