Aqmola oblysynda jol apatynan polıtsııa qyzmetkeri kóz jumdy
KÓKShETAÝ. QazAqparat - Aqmola oblysynda jol-kólik oqıǵasynan polıtsııa qyzmetkeri kóz jumdy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, jol apaty mamyrdyń 31-de saǵat 05:00 shamasynda «Kókshetaý-Rýzaevka» tasjolynyń boıynda bolǵan. Belgili bolǵandaı, «Toyota Camry» kóliginiń 30 jastaǵy júrgizýshisi rýlge ıe bola almaı kólik joldyń shetindegi jyraǵa qulaǵan. Sonyń saldarynan kólik júrgizýshisi oqıǵa ornynda kóz jumsa, eki jolaýshysy túrli dene jaraqatymen aýrýhanaǵa jetkizilgen.
«Qazirgi kezde, osy oqıǵaǵa baılanysty QR QK 345-babynyń 3 bóligi boıynsha (kólik quraldaryn basqarýshy, tulǵanyń jol qozǵalysy jáne kólik quraldaryn paıdalaný erejesin buzý) sotqa deıingi tergeý amaldary júrgizýlde. Ózge aqparattar tergeý múddessi úshin jarııalanbaıdy», - dep túsindirdi QazAqparat tilshisiniń saýalyna vedomstvonyń baspasóz qyzmetindegiler.
