Aqmola oblysynda jol apatynan Nur-Sultan qalasynyń 3 turǵyny kóz jumdy
KÓKShETAÝ. QazAqparat - Aqmola oblysynda «Nur-Sultan - Qabanbaı batyr-Kıevka» tas jolynda eki kólik betpe bet soqtyǵysyp, 3 adam kóz jumdy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, jol apaty aqpannyń 13-inde «Nur-Sultan - Qabanbaı batyr-Kıevka» tas jolynyń 19 shaqyrymynda oryn alǵan.
«Anyqtalǵandaı, elordanyń 37 jastaǵy turǵyny basqarǵan «Јas» kóligi Qosshy qalasynan shyǵyp, Abaı kóshesiniń boıymen Nur-Sultan qalasy baǵytynda júrip kele jatqan. Osy kezde astanalyq basqarǵan «Lada Prıora» kóligi joldyń qarsy baǵytyna shyǵyp ketken. Saldarynan eki kólik betpe bet soqtyǵysyp, «Lada Prıora» avtokóliginiń júrgizýshisi men eki jolaýshysy (astanalyqtar) oqıǵa ornynda kóz jumdy. Al, «Јas» avtokóliginiń 37 jastaǵy júrgizýshisi túrli dene jaraqatymen elordanyń medıtsınalyq mekemesine jetkizildi», - dedi vedomstvonyń baspasóz qyzmetindegiler.
Qazirgi kezde osy oqıǵaǵa baılanysty Qylmystyq kodekstiń 345-babynyń 4-bóligi boıynsha sotqa deıingi tergeý amaldary júrgizilýde.
