Aqmola oblysynda jol apatynan elordanyń eki turǵyny mert boldy
KÓKShETAÝ. QazAqparat - Aqmola oblysynda jol apaty saldarynan elordanyń eki turǵyny mert boldy, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, mamyrdyń 30-da Bulandy aýdandyq polıtsııa bólimine Nur-Sultan qalasynyń 25 jastaǵy turǵyny habarlasyp, Bulandy aýdany Alakól aýylynyń mańyndaǵy «Nur-Sultan-Petropavl» avtojolynyń 138 shaqyrymynda jol-kólik oqıǵasy bolǵanyn aıtqan.
Anyqtalǵandaı, Nur-Sultan qalasyna baǵyt alǵan «Volkswagen Polo» avtokóliginiń 30 jastaǵy júrgizýshisi rýldi basqara almaı, qarsy baǵytta júrip kele jatqan «Mercedes Benz» júk kóligimen soqtyǵysqan.
Júk kóliginiń rýlinde elordanyń 25 jastaǵy turǵyny boldy.
«Jol apatynan jeńil kólik aýdarylyp, kólik ishinde 67 jastaǵy er adam men 56 jastaǵy áıel kóz jumdy. Al, kólik júrgizýshi men 4 jasar bala túrli dene jaraqatymen Aqkól aýdandyq aýrýhanasyna jatqyzyldy», - dedi vedomstvodan.
Qazirgi kezde, osy oqıǵaǵa baılanysty Qylmystyq kodekstiń 345-babynyń 4-shi bóligi boıynsha sotqa deıingi tergeý sharalary júrip jatyr.
Sonymen birge, birqatar saraptama taǵaıyndaldy.
