Aqmola oblysynda jol apatynan eki adam opat boldy
KÓKShETAÝ. QazAkparat- Aqmola oblysynyń Jaqsy aýdany aýmaǵy arqyly ótetin «Almaty-Ekaterınbýrg» tas jolynyń 943 shaqyrymynda jol-kólik oqıǵasy oryn alyp, eki adam kóz jumdy.
Bul týraly aımaqtyq TJD baspasóz qyzmetinen habarlady.
Oqıǵa qarashanyń 9-y kúni kúndizgi saǵat 14:45 mınýt shamasynda Jaqsy aýdany aýmaǵynda oryn alǵan. «Almaty-Ekaterınbýrg» tas jolynyń boıymen kele jatqan «Zaz Chance» jeńil kóligi joldyń qarsy jaǵyna shyǵyp ketip, «Nıssan maksıma» kóligimen soqtyǵysqan. Jol-kólik oqıǵasynyń saldarynan alǵash atalǵan kóliktiń ishinde otyrǵan T.Isabekov pen B.Isabekova jantásilim etken. Sonymen qatar ózge de 4 adam túrli dene jaraqatyn alyp, Jaqsy aýdandyq aýrýhanasyna jetkizildi.
