Aqmola oblysynda jol apatynan 43 jastaǵy áıel mert boldy
KÓKShETAÝ. QazAqparat - Aqmola oblysynda jol apaty 43 jastaǵy jolaýshynyń ómirin qıyp ketti, dep habarlaıdy QazAqparat tilshisi.
ІІD baspasóz qyzmetiniń málimetine qaraǵanda, jol apaty 23 qazan kúni Zerendi aýdanyndaǵy Qyzyltań aýylynyń mańynda bolǵan.
«Kókshetaý-Omby» tas jolynyń boıynda Soltústik Qazaqstan oblysy Aqjar aýdany Talshyq aýylynyń 57 jastaǵy turǵyny tizgindegen «Toıota Prevııa» kóligi kóktaıǵaqtyń saldarynan joldan taıyp, qarsy baǵytta júrip kele jatqan «Opel Astra» kóligimen soqtyǵysqan. Sońǵy kóliktiń rólinde 46 jastaǵy Kókshetaý qalasynyń turǵyny otyrǵan. Jol apatynan «Toıota Prevııa» kóliginde bolǵan jolaýshy 1974 jastaǵy kelinshek Aqmola oblystyq aýrýhanasyna jetkizilip, sol jerde kóz jumdy», - delingen baspasóz habarlamasynda.
Qazirgi kezde osy kólik oqıǵasyna baılanysty birqatar saraptama taǵaıyndalyp, QR QK 345-baby boıynsha sotqa deıingi tergeý amaldary júrgizilýde.
Óńir polıtseıleri kóktaıǵaqqa baılanysty júrgizýshilerdi jolǵa shyqqanda saq bolýǵa shaqyrýda.
