Aqmola oblysynda jol apatynan 3 adam mert boldy
KÓKShETAÝ. QazAqparat - Aqmola oblysynda jantúrshigerlik jol apatynan 3 adam kóz jumdy, taǵy 4 adam túrli dene jaraqtymen aýrýhanaǵa jatqyzyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, jol-kólik oqıǵasy aqpannyń 18-de «Kókshetaý-Atbasar» tasjolynyń Aıdarly aýyly mańynda bolǵan.
«Anyqtalǵandaı «Kókshetaý-Atbasar» tasjolynyń 29 shaqyrymynda «Toıota Kamrı» kóliginiń 43 jastaǵy júrgizýshisi rýlge ıe bola almaı, qarsy baǵytta júrip kele jatqan «VAZ-2115» kóligimen betpe-bet soqtyǵysqan. «VAZ-2115» kóliktiń rýlinde 46 jastaǵy er adam basqarǵan. Jol apatynan 3 adam kóz jumyp, 4 adam túrli dene jaraqtymen aýrýhanaǵa jatqyzyldy», - dedi vedomstvodan.
Qazirgi kezde, osy oqıǵaǵa baılanysty Qylmystyq kodeksiniń 345-baby 4-bóligi boıynsha sotqa deıingi is qozǵalyp, tergeý amaldary júrgizilýde.
Aıta keteıik, «Kókshetaý – Atbasar» tasjolynda buǵan deıin de taǵy bir kólik apaty bolǵan edi.
