Aqmola oblysynda jol apatynan 23 jastaǵy qyz kóz jumdy
KÓKShETAÝ. QazAqparat - Aqmola oblysyndaǵy jol apaty bolyp, odan tórt adam zardap shekti jáne bir qyz aýrýhanada kóz jumdy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, Tselınograd aýdandyq PB kezekshi bólimine «Nur-Sultan-Ereımentaý – Shiderti» avtojolynyń 23-shi shaqyrymynda jol apaty oryn alǵandyǵy týraly habar túsken.
«Anyqtalǵandaı Nur-Sultan qalasyna baǵyt alǵan «Kıa rıo» avtokóliginiń 23 jastaǵy júrgizýshisi rýlge ıe bola almaı kóligi aýdarylǵan», - dedi vedomstvodan.
Polıtsııa qyzmetkerleriniń aıtýynsha, jol apaty saldarynan kólik júrgizýshisi men úsh jolaýshysy túrli dene jaraqatymen Nur-Sultan qalasynyń UZITU-na jetkizildi. Onyń ishinde 23 jastaǵy qyz alǵan jaraqatynan aýrýhanada kóz jumdy.
«Osyǵan baılanysty Qylmystyq kodekstiń 345 baby «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi tergeý sharalary qolǵa alyndy», - dep tolyqtyrdy vedomstvodan.
