Aqmola oblysynda jol apatynan 10 adam zardap shekti
KÓKShETAÝ. QazAqparat - Aqmola oblysy aýmaǵynda «Ekaterınbor-Almaty» tas jolynda bolǵan jol apatynan 10 adam zardap shekti, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, jol apaty 6 jeltoqsanda saǵat 17:05-te Arshaly aýdany Shóptikól stansasynyń janynda «Ekaterınbor-Almaty» avtojolynyń 1 318-shi shaqyrymynda oryn alǵan.
«Qaraǵandynyń 40 jastaǵy turǵyny basqarǵan Toyota Highlander avtokóligi jol jıeginde turǵan Kia Rio kóligin soqty. Jeńil kóliktiń júrgizýshisi Nur-sultan qalasynyń 44 jastaǵy turǵyny. Soqydan jeńil kólik ornynan syrǵyp, jol jıeginde turǵan Toyota RAV4 kóligine soqtyldy», - dep túsindirdi vedomstvodan.
Oblystyq densaýlyq saqtaý basqarmasynyń basshysy Narıman Syzdyqovtyń aıtýynsha, JKO saldarynan barlyǵy 10 adam zardap shekti, onyń ishinde eki bala bar.
«Balalar statsıonarda jatyr, olardyń jaǵdaıy birqalypty. Zardap shekken 19 jastaǵy qyzdyń jaǵdaıy óte aýyr», - dedi N.Syzdyqov.
Polıtsııa habarlaǵandaı, osy oqıǵaǵa baılanysty Qylmystyń kodekstiń 345-i baby 2-shi bóligi «abaısyzda adam densaýlyǵyna aýyr zııan keltirýge ákep soqqan, kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý amaldary bastaldy. Sondaı-aq, tıisti saraptama taǵaıyndaldy.
