Aqmola oblysynda jol apatyna ushyraǵan kólik órtenip, eki adam qaza tapty
KÓKShETAÝ. QazAqparat - Aqmola oblysynda jol apatynan ushyraǵan kólik órtenip, 28 jastaǵy júrgizýshi men 39 jastaǵy jolaýshysy qaza boldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qazannyń 26-da túngi saǵat 02:30 Aqkól aýdandyq PB kezekshilik bólimine Azat stansasynyń mańynda «Mazda Kronýs» kóligi joldyń shetindegi jyraǵa aýdarylǵandyǵy týraly habar tústi. Oqıǵa ornyna jetken tártip saqshylary «Azat - Stepnogor» tas jolynyń 6 shaqyrymynda Nur-Sultan qalasynan Stepnogorge baǵyt alǵan «Mazda Kronýs» kóliginiń 28 jastaǵy júrgizýshisi rýlge ıe bola almaı joldyń shetindegi jyraǵa aýdarylǵanyn anyqtady.
«Apattan kólik túgi qalmastan órtenip ketti. Kólik ishinde bolǵan 28 jastaǵy júrgizýshi men 39 jastaǵy jolaýshysy alǵan dene jaraqatynan sol jerde kóz jumdy», - dedi vedomstvodan.
Qazirgi kezde Qylmystyq kodekstiń 345 babynyń 4 bóligi boıynsha sotqa deıingi tergeý amaldary júrgizilýde. Sonymen birge, sot medıtsınalyq saraptama taǵaıyndaldy.
