Aqmola oblysynda jol apaty bolyp, kólikte áıel qysylyp qalǵan
KÓKShETAÝ. QazAqparat - Aqmola oblysynda úsh kólik soqtyǵysyp, saldarynan jolaýshylardyń biri mashınada qysylyp qalǵan, dep habarlaıdy QazAqparat tilshisi.
Aqmola oblystyq Tótenshe jaǵdaılar departamenti baspasóz qyzmetiniń málimetinshe, 17 jeltoqsan kúni «Almaty-Ekaterınbor» tasjolynyń 1066-shy shaqyrymynda jol apaty bolyp, úsh jeńil kólik zardap shekken.
«Jol apaty kezinde kólikterdiń birine qatty zaqym keldi. Kóliktiń ishinde otyrǵan áıel óz betinshe shyǵa almady, apatty-qutqarý jumystaryn júrgizý qajet boldy. Qutqarý jumystaryna Astrahan aýdanyndyq TJB órt sóndirý bóliminiń kúshteri jumyldyryldy», - dedi vedomstvodan.
Qutqarýshylardyń jedel is-qımylynyń nátıjesinde áıel kólikten shyǵarylyp, medıtsınalyq kómek kórsetý úshin aýdandyq aýrýhanaǵa jiberildi.
Osy rette, aqmolalyq qutqarýshylar óńir turǵyndaryna jolǵa shyqqanda muqııat bolýdy jáne jyldamdyq rejımin saqtaýdy eske salady.
