Aqmola oblysynda joǵalyp ketken keıýananyń jansyz denesi tabyldy
KÓKShETAÝ. QazAqparat - Aqmola oblysynyń Tselınograd aýdanynda iz-túzsiz joǵalyp ketken qarııanyń denesi tabyldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Eske sala keteıik, osyǵan deıin habarlaǵanymyzdaı jaqynda Qajymuqan aýylynyń turǵyny 1941 jylǵy Nesip Qadyrqyzy Rahımovaǵa izdeý jarııalanǵan bolatyn. Qarııa 16 sáýirde saǵat 15:00-der shamasynda nan satyp alý úshin dúkenge ketip, keıin qaıtyp oralmaǵan.
«Qarııany izdestirý sharasyna Tselınograd aýdandyq ishki ister bóliminiń qyzmetkerleri men týystary tartyldy. Nətıjesinde búgin polıtseıler keıýananyń jansyz denesin Qajymuqan aýylynan 5 shaqyrym jerden, temirjoldyń boıyndaǵy ormannyń ishinen taýyp aldy. Bastapqy məlimet boıynsha keıýana adasyp ketken bolýy múmkin. Saǵat 16:25-te múrde məıithanaǵa jiberildi», dep málim etti baspasóz qyzmetindegiler.
Aıta keterligi, izdeýshilerge Tótenshe jaǵdaılar komıtetiniń qutqarýshylaryna tıesili ıisshil ıt kómekke keldi. 
