Aqmola oblysynda joǵalǵan kolledj oqýshysy izdestirilýde

KÓKShETAÝ. QazAqparat - Aqmola oblysynda joǵalǵan 17 jastaǵy kolledj oqýshysy izdestirilýde, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, sáýirdiń 25-inde «102» arnaıy jelisine Krasnoıar kentindegi agrotehnıkalyq kolledj dırektorynyń tárbıe jónindegi orynbasary habarlasyp, 2004 jyly týǵan oqýshy Vıtalıı Vıtalevıch Sadvakasovtyń joǵalǵanyn aıtqan. Dırektor orynbasarynyń sózinshe, jasóspirim kolledj jataqhanasynan belgisiz baǵytta shyǵyp ketken.

Joǵalǵan jasóspirimniń boıy 160-165 sm. Dene bitimi ortasha. Kózi qara. Ústine qara tústi kýrtka, kók djınsy kıgen.

«Jasóspirimdi izdeýge Kókshetaý qalalyq Polıtsııa basqarmasy jáne Krasnoıar ýchaskelik polıtsııa beketiniń jeke quramy, eriktiler jumyldyryldy. Polıtsııa qyzmetkerleri agrotehnıkalyq kolledj ákimshiligimen birge saıajaı alabyn, Chaıkıno kentin, Kókshetaý qalasynyń ortalyq saıabaǵynyń aýmaǵyn, Kókshetaý qalasynyń temirjol jáne avto vokzal aýmaqtaryn súzip shyqty. Sondaı-aq, beınebaqylaý kameralarynyń jazbalary zertteldi. Іzdeý sharalary jalǵasýda», - dedi vedomstvodan.

Osy rette, tártip saqshylary V.V.Sadvakasovtyń qaıda júrgenin biletin adamdar bolsa, dereý 87162-29-11-14, 8-705-299-58-49 telefon nómirlerine nemese 102 arnaıy jelisine habarlasýdy suraıdy.