Aqmola oblysynda joǵalǵan eki balyqshynyń bireýiniń denesi tabyldy

KÓKShETAÝ. QazAqparat – Aqmola oblysynda sýǵa batyp ketken eki balyqshynyń bireýiniń denesi tabyldy, dep habarlaıdy QazAqparat tilshisi.

«Astana sý qoımasynda balyq aýlaý kezinde Temirtaý qalasynyń 1972 jáne 1975 jylǵy turǵyndary sýǵa batyp ketti. Іzdestirý sharalaryna qutqarýshylar men polıtsııa qyzmetkerleri, sondaı-aq, balyqshylardyń tanystary tartyldy. Búgin qutqarýshylar kóldiń túbinen 47 jastaǵy balyqshynyń denesin tapty. Al 50 jastaǵy ekinshi balyqshynyń denesi izdestirilip jatyr», - dedi Aqmola oblystyq tótenshe jaǵdaılar departamentiniń baspasóz qyzmetinen.

Aıta ketsek, budan buryn Aqmola oblysyndaǵy sý qoımasynda joǵalyp ketken 2 balyqshyny izdeý jumystary jalǵasyp jatqanyn jazǵan edik.