Aqmola oblysynda joǵalǵan bir otar qoı úsh kúnnen keıin tabyldy
KÓKShETAÝ. QazAqparat - Aqmola oblysynda joǵalǵan 200 qoı ıesine qaıtaryldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2019 jyldyń basynan beri mal urlyǵyna qatysty barlyǵy 56 oqıǵa tirkeldi. Іzdestirý sharalary barysynda jalpy quny 36,6 mıllıonnan astam teńge bolatyn mal ıelerine qaıtaryldy.
«Tájirıbe kórsetkendeı kóp jaǵdaıda maldyń joǵalýyna ony qaraýsyz jibergen mal ıeleriniń ózderi kináli bolady. Mal ıeleri malynyń joǵalǵandyǵy týraly birden polıtsııaǵa habarlaı qoımaıdy. Sonyń saldarynan oqıǵanyń izin sýytpaı anyqtaý qıynǵa soǵady. Buǵan qosa, jergilikti turǵyndar úı janýarlaryna tańba, en salýǵa onsha kóńil bólmeıdi.
Osy jyldyń 14 maýsymynda Zerendi aýdandyq kezekshilik bólimine Bektesin aýylynyń turǵyndary arzydanyp, erkin jaılyp júrgen 200 qoıdyń joǵalǵanyn aıtqan. Aýyl turǵyndary shyǵyn kólemin 5 mıllıonnan astam teńgege baǵalaǵan.
Jedel-izdestirý sharasy úsh kúnge sozyldy. Nátıjesinde joǵalǵan bir otar qoı Soltústik Qazaqstan oblysymen shekaralar aımaqta y orman alqabynan tabylyp, ıelerine qaıtaryldy», deıdi vedomstvonyń baspasóz qyzmetindegiler.
Sonymen qatar, polıtseıler óńirde mal urlyǵyn aldyn alý maqsatynda reıdter uıymdastyrýda.
