Aqmola oblysynda joǵalǵan áıeldiń denesi ormannan tabyldy
KÓKShETAÝ. QazAqparat – Aqmola oblysynda 20 kún buryn joǵalǵan 50 jastaǵy áıeldiń óli denesi tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, B.K.Ýaısovanyń iz-túzsiz joǵalǵandyǵy týraly 8 naýryzda Býrabaı aýdanynyń PB kezekshi bólimine aǵasy habarlaǵan. Osyǵan baılanysty naýryzdyń 9-da polıtsııa qyzmetkerleri men eriktiler jáne qoǵam ókilderi jedel-izdestirý is-sharalaryn qolǵa aldy.
«Nátıjesinde naýryzdyń 27-de Býrabaı kóliniń sol jaǵalaýyndaǵy «Oqjetpes» shıpajaıy aýmaǵyndaǵy orman alqabynda onyń denesi tabyldy. Onda kúsh qoldanýdyń belgileri baıqalmady. Qazirgi kezde sot-medıtsınalyq saraptamasy taǵaıyndaldy», - dedi vedomstvodan.
