Aqmola oblysynda joǵalǵan 9 jasar qyz tabyldy

KÓKShETAÝ. QazAqparat - 9 jasar qyz bala 23 qańtarda tústen keıin úıden belgisiz baǵytta ketip, qaıtyp oralmaǵan, dep habarlaıdy QazAqparat ІІM-ne silteme jasap.

Týystarynyń aıtýynsha, qyz bala saǵat 12-de sabaqqa barýy kerek edi, biraq mektepke barmaǵan jáne jumysta bolǵan anasynyń qońyraýlaryna jaýap bermegen.

Tártip saqshylary qyzdyń telefony arqyly onyń ornalasqan jerin anyqtady. Ol Astana qalasyndaǵy saýda úıinde bolǵan. Qyzdyń anasy bul týraly Astanada turatyn ápkesine habarlady, ol birden saýda núktesine keldi.

Qyz bala sol jerden tabylyp, qazirgi ýaqytta týystarymen birge, oǵan qatysty eshqandaı zańsyz áreketter jasalmaǵany anyqtaldy.