Aqmola oblysynda joǵalǵan 80 jylqy tabyldy
KÓKShETAÝ. QazAqparat - Aqmola oblysynda joǵalǵan 80 jylqy tabylyp, ıesine qaıtaryldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, aǵymdaǵy jyldyń 4 qańtarynda Zerendi aýdandyq PB kezekshilik bólimine Barataı aýylynyń 56 jastaǵy turǵyny habarlasyp, 10 kún buryn jaılymda júrgen 80 jylqysynyń joǵalǵanyn aıtqan.
«Osyǵan baılanysty Qylmystyq kodekstiń 188 babynyń 1 tarmaǵy 2 tarmaqshasy «mal urlyǵy» boıynsha is qozǵaldy. Іzdestirý jumystaryna 5 salt atty jáne jeke kólikterimen 15 adam jumyldyryldy. Nátıjesinde krımınaldyq polıtsııa bólimshesiniń qyzmetkerleri men Zerendi aýdanynyń PB ýchaskelik ınspektorlary Barataı aýylynan 25 shaqyrymdaǵy orman alqabynan joǵalǵan bir úıir jylqyny tapty», - dedi vedomstvodan.
Osy rette, tártip saqshylary turǵyndarǵa maldy qaraýsyz qaldyrmaýdy suraıdy.
